職場資訊
【政府筍工】社署請社會保障助理頂薪逾3萬 DSE學歷可申請
刊登日期: 2018-06-04
依家大學畢業出嚟做嘢，月薪通常都係得兩萬幾，邊有可能中學畢業都仲高人工過佢哋架？Nothing is impossible！依家機會正正擺喺你面前，社會福利署現正招聘社會保障助理，月薪可高達 $31,855！只要有DSE學歷就可以申請，仲唔嗱嗱聲去馬！
根據公務員事務局的網頁，社會保障助理的起薪點為 $18,205，頂薪更高達 $31,855！申請人只要DSE 5科（包括中、英文）考獲level 2或以上的成績，或具同等學歷，即符合入職條件。為了提高大眾對《基本法》的認知和推廣學習《基本法》的風氣，政府會考核應徵人士的《基本法》知識，測試表現會佔一定比重，各位記得準備吓喇！面試方面，主要係考你對份工和部門嘅熟悉程度，亦會畀啲案例你分析等等。
社會保障助理的主要職責為：擔任調查工作，蒐集及核查資料，以便審查或覆核各項社會保障計劃的援助申請；協助申請人獲得社會保障計劃範圍以外的其他服務，都係啲admin嘢，追吓case咁，只係或須不定時工作或隨時stand by履行候召工作。獲取錄人士，將會按公務員試用條款受聘3年，並可享有有薪假期、醫療及牙科診療、房屋資助等福利，通過試用關限後，或可獲考慮按長期聘用條款聘用。
有興趣人士，可於2018年6月7日，晚上11點59分或之前，透過公務員事務局網站http://www.csb.gov.hk作網上申請；申請人亦可將申請書寄送至香港灣仔皇后大道東213號胡忠大廈10樓1012室社會福利署聘用組（請註明「申請社會保障助理職位」）。申請表可向民政諮詢中心或就業中心索取，亦可於上述網站下載。申請人如獲邀參加面試，會在截止申請日期後約10至14星期內收到通知，祝大家成功喇！
社會保障助理職位詳情：http://bit.ly/2kOd78o
文：Noelle
熱門空缺
