熱門話題
【政府筍工】郵政署時薪$65請揀信組助理 中三學歷即可申請
刊登日期: 2018-03-15
筍工唔一定要係大學生先申請得嘅，中學未畢業，一樣可以搵到筍工！事關郵政署現正招聘揀信組助理，時薪有成 $65！仲要只要有中三學歷就可以申請，真係好吸引啊！
根據香港郵政的網頁，揀信組助理的時薪為 $65。申請人只要完成中三學業，或具同等學歷，並具備中三程度的中、英文語文能力，便符合入職條件。職責主要是以人手揀信和處理郵件；協助齊信和收集信件；以及處理一般文書職務等等，都唔會話有幾辛苦，至緊要係手腳快，皆因入職後間唔中會有隨機測試，考你分信夠唔夠快而準。
面試方面，主要都係叫你介紹吓自己、問你有關郵政署嘅知識，同出吓簡單的英文題咁。申請人亦可選擇心儀的工作地點，如獲聘用，部門會盡量按照申請人的意願去安排工作崗位，但最終的工作地點和時間，會按實際運作需要作安排。獲取錄人士，將會按照非公務員合約條款聘任1年。合約結束後，將視乎運作需要及受聘人的工作表現，而決定是否續約。而揀信組助理的工作時間為：星期一至六，每週12至36小時（不包括用膳時間），請留意時間或會因運作需要而有所增減，不過通常中午前都會收得工，就算多嘢做都係自己揀O唔OT。
有興趣人士，可於2018年3月16日或之前，把申請書寄送至香港中環康樂廣場二號香港郵政總部4樓招聘組（請註明「申請揀信組助理職位」）。申請表可向民政諮詢中心或就業中心索取，亦可於公務員事務局網站下載。申請人如獲邀參加面試，會在截止申請日期後的4星期內收到通知，祝各位好運喇！
揀信組助理職位詳情：http://bit.ly/2FRhdsz
熱門空缺
