想有人帶住自己做嘢？唔少職場新鮮人都想知道點先可以搵到同一career path嘅學習對象去建立一個亦師亦友嘅良好關係。你會想呢個人係你遇到工作難題時解答你嘅疑問，協助你，或者係介紹生意俾你啦。咁要點先可以搵到依啲人？參考以下4招學下點搵職場mentor啦。
Mentor可以提供一條Career Path俾你跟著嚟行
一個理想嘅mentor應該係一個你想要成為嘅目標。你唔會想完全成為佢，但係咁諗可以幫你做出一啲必要嘅決定，係成個生涯上面去到一個你想要嘅位置。
好嘅mentor係應該要同你講唔好完完全全成為同佢哋一樣嘅人。相反，佢哋會解釋清楚俾你聽佢哋係點樣攀到上去依家嘅位置。理想嚟講，你學到嘅嘢唔單止係你嘅mentor做過啲乜嘢，而係可以跟據你嘅強項同弱項，去做出合乎自己能力同興趣嘅決定，達到相似嘅目標。
Mentor份人唔一定要完美
一個嘅理想mentor唔一定要完美。你都唔係啦。而依個唔係一個問題，因為當你知道雙方都唔完美，大家嘅關係先至唔會變得唔真實。你嘅導師都係人，都有自己嘅生活。你要明白佢唔一定可以俾到好多嘢你。
每個人都會有唔完美嘅地方。你應該要預計你嘅mentor都有你唔鍾意嘅地方。唔好太過專注係搵一個完美嘅人去引導你嘅事業發展，反而去學習明白無人有一份完美嘅CV，而每一個人都可以俾到啲唔同嘅嘢你。
Mentor要幫你而唔單止讚你
乜嘢係mentor呢？依個只係一個label嚟嘅啫。Mentor唔單止係要讚你，佢哋係嚟幫你嘅。
當你搵緊一個mentor，你會想搵一個誠實嘅人。唔單止係講緊對你事業選擇嘅評語，而係講緊你成個人職場上嘅表現，佢都應該要如實評論。當你係搵緊一個係危難之中第一個想打電話或者send email俾佢嘅人，你要諗下邊個可以俾到你最好嘅建議，而唔係邊個會保護你嘅自我。你只會係誠實嘅人身上得到最好嘅建議。
佢唔應該係你唯一一個Mentor
停止再send嗰啲「你可唔可以做我mentor」嘅email，開始係你自己嘅周邊搵一啲學習機會。問下你嘅團隊同埋行政部門，睇下佢哋對你嘅工作表現有咩評語啦。搵你嘅阿頭或者係直屬上司，尤其係已經離咗職嗰啲，問下佢哋覺得你嘅工作表現如何啦。
正所謂「三人行必有我師」，外面有唔少叻嘅人有唔少嘅知識可以教到你嘅。唔好去搵一個乜都識嘅人，反而要去認識一堆會支持你嘅人，去幫你去你想到達嘅位置。
以上4招就係你想搵mentor嗰陣要留意嘅地方啦。下次想搵前輩做你mentor，你就知要點做啦。
資料來源：The Muse
10 Jan 2025 
中文