正式商業場合同一般社交場合唔同，需要考量的禮儀、細節更繁複。一般以為「禮多人不怪」，而且學校未必有教，隨時不知不覺間得罪人，引來不必要的損失。

唔好太早到
無論上班或開會大家都知道唔好遲到，但太早都唔好。因為對方可能仲未準備好，或者仲有其他會議，咁樣會造成對方嘅困擾。如果真係早咗好多，不妨先打電話比對方，問可唔可以提早，否則係外面行下再入去啦。

個人化感謝
如果對方幫忙完成工作要表達感謝時，無論係E-mail或手寫卡，都應該要係24小時之內寄出你既感謝，最好是一人一信，顯示誠意。

有人介紹，記得起身
商業場合難免互相介紹，但當人地介紹自己嘅時候，唔好懶，一定要企起身。

唔好做waiter
商業場合食完飯，餐具留係原位，唔好因為順手就推到一邊或疊起，應該交俾waiter處理。

老闆請客，揀中等價位就好
遇到老闆請客，唔好專揀最貴的餐廳，揀中等價位就夠喇。

上班要有上班樣
年青人可能鍾意casual wear，但上班就要有上班樣，專業嘅上班服飾少不免有助提升個人形象。

謝絕「謝謝」「謝謝」「謝謝」
日常生活中，難免會不自覺地不斷重覆「謝謝」，以為自己好有禮貌，但其實如果一直不停「謝謝」，對方會覺得你既「謝謝」愈來愈無價值。所以「謝謝」只要真誠地一兩次就已經足夠。

切忌「大大聲」講私人電話
係公司講私人電話已經唔太好，仲要肆無忌憚咁高談闊論，不但老闆不滿，仲會影響埋其他同事的工作。