大學生搵工喜歡漁翁撒網，「閒閒哋」投寄數十封求職信博取面試機會，但有人事顧問發現，部份大頭蝦求職者寄出求職信後，卻忘記了應徵甚麼職位，當接獲僱主來電邀約面試時，即被問到「口啞啞」；有求職者則未有做好資料搜集，連公司背景也搞不清，結果失敗收場。

Manpower Group大中華區董事總經理徐玉珊表示，僱主對應徵者第一個印象來自履歷表，建議履歷表盡量精簡，以一張至一張半A4紙大小最合適，並附上個人相片，最好再加一封求職信，簡單介紹自己。她指，不少求職者忽略履歷表的重要性，未有做好文件校對，白白錯失面試機會，「啱啱收到份履歷表，本來個求職者履歷幾好，但佢連human resources都串錯，僱主會覺得對方好唔細心，如果請人做行政，肯定唔會請佢」。

見工忌答「想樣樣試吓」
徐玉珊又提醒求職者若一次過寄出大量求職信，小心擺烏龍，「有啲人會將A公司同B公司撈亂，隨時被僱主問到口啞啞；又有僱主試過打畀求職者約面試，對方竟然答我好似冇apply過呢份工喎，要僱主提番轉頭」。

合眾人事顧問公司總經理蘇偉忠贊同初出茅廬的大學生，多寄幾封求職信尋求面試機會，「見多幾份工對自己都有益」，但每次面試，必須先做功課搜集公司背景資料，僱主通常會問求職者應徵有關職位的原因，他提醒切勿以「想樣樣試吓」等答案hea覆。

文：蘋果日報