職場資訊
【政府筍工】入境處請助理員起薪二萬 中學畢業即可申請
刊登日期: 2017-08-04
有咩工係人工唔錯、福利好，又唔需要有高學歷呢？入境事務助理員肯定係其中一個選擇喇！入境處而家請緊入境事務助理員，月薪由$19,225至$26,580不等。申請人只需要中學畢業、DSE或會考五科成績達level 2或E級就可以申請喇！係咪有啲心動呢？
根據公務員事務局嘅網頁，申請人只要在DSE或會考中，五科 (包括中、英文) 考獲level 2或E級的成績，就已經符合入職的語文能力要求。至於個體能測驗和《基本法》知識測試，相信大家都可以輕鬆通過。
咁究竟入境事務助理員的工作內容係咩呢？助理員的主要職務為執行與入境、人事登記、生死及婚姻登記等有關的職務，包括搜查、護送、巡邏和接待等工作。當然，員工會係入職前會先接受訓練，唔洗驚工作會唔上手。獲取錄的申請人會按公務員試用條款受聘，試用期為三年，通過試用期的員工會獲當局考慮以長期聘用條款聘請。
雖然助理員在工作期間需穿着制服，亦要輪班當值，但勝在福利好：員工可享有有薪假期、醫療及牙科診療，更可獲得房屋資助。政府亦會盡量安排殘疾人士擔任適合的職位，提供平等的就業機會。
此職位全年皆接受報名。有興趣應徵的人士，可以透過公務員事務局的網站 http://www.csb.gov.hk 遞交申請，亦可到民政事務處民政諮詢中心、勞工處就業中心或上述網站，索取或下載申請表，並將申請表投遞或郵寄至新界屯門青山灣青山公路82號入境事務學院地下高層入境事務處招聘及訓練研究組。如果想了解更多關於呢個職位，可以瀏覽入境處部門網頁：http://www.immd.gov.hk
入境事務助理員職位詳情：http://bit.ly/2feFvRE
熱門空缺
