熱門話題
【唔去就走寶】暑假打卡好去處
刊登日期: 2016-07-20
適逢暑假，好多地方都會搞啲大型展覽，比大家趁住暑假流流長，可以周圍去打下卡自拍一下，仲有啲展覽係設喺室外海傍，或者標榜夏日濕身玩水，啱曬夏天熱辣辣去吹下海風玩下水，聽講仲有好多期間限定嘅周邊商品比大家瘋狂血拼！仲等咩？仲唔快啲mark實班friend一齊high爆暑假！
1. 「藍精靈．十分勁」亞洲巡迴藝術展
Smurfs' Village大家就玩得多，真嘅Smurfs' Village又有冇人真係去過？而家有機會喇！喺「藍精靈．十分勁！」村莊入面，將會有35隻足足1米高的藍精靈同大家過暑假！喺6米高的精靈屋內仲可以同佢地一齊互動玩遊戲！而喺藍精靈故事館，大家有機會走入藍精靈作者 Peyo的工作室，欣賞36幅絕密原稿，7月12至15號期間，作者的外孫Nicolas Tytgat仲會從比利時遠道而來，為大家分享外祖父當初創作藍精靈背後的理念，同場仲會加映藍精靈繪畫教學和藍精靈紀錄片 ; 而在藍精靈漫畫創意模型展，將會重現8個1 : 1 藍精靈漫畫中的故事場景，包保你地大開眼界，行完記得買埋香港期間限定商品先好走啊！
「藍精靈．十分勁！」村莊
地點 : 尖沙咀海港城海運大廈露天廣場 (10am – 10pm)
藍精靈故事館
地點 : 尖沙咀海港城．美術館 (11am – 10pm)
藍精靈漫畫創意模型展
地點 : 尖沙咀海港城港威商場地下長廊 (10am – 10pm)
藍精靈期間限定店
地點 : 尖沙咀海港城港威商場大堂I (10am – 10pm)
展出/營業日期 : 7月13日至8月9日
(「藍精靈．十分勁！」村莊為7月14號開始開放)
2. LCX x Neko Atsume「悠遊夏祭」
香港不乏愛貓之人，咁唔知熱門手機養貓遊戲Neko Atsume裡面啲貓貓，大家又鐘唔鐘意呢？日本手機遊戲Neko Atsume在港舉行首個海外大型夏日祭典！大家可以盡情同鐵道貓貓玩selfie、同懶洋洋貓貓一齊曬太陽、同貓貓製作雪糕，甚至同貓貓一齊食刨冰亦得，去到記住集齊限定蓋章同買埋香港期間商品啊！手快有手慢冇架！
地點 : 尖沙咀海港城海運大廈三階
展覽/營業日期 : 7月1日至8月31日
展覽/營業時間 : 10:00 – 22:00
3. 海綿寶寶 x 海洋公園夏水禮
冇錯！又到一年一度嘅海洋公園夏水禮！暑假咁熱點可以唔濕下身降下溫呢？今年仲有埋海綿寶寶陪你玩水！玩完「超級巨沖」、「幻彩噴泉陣」同「水戰大激鬥」等玩水設施，仲可以去埋「激光迷陣」贏特別獎品！當然絕對唔可以錯過嘅一定係喺今年夏水禮中初次登場嘅「珍寶肥皂泡工場」，自製人咁高咁大嘅泡泡啦！各位海綿寶寶fans，記得去埋海綿寶寶見面會、食埋海綿寶寶造型美食同買埋海綿寶寶精品先好番屋企啊！聽講玩攤位遊戲仲有機會贏大大隻嘅海綿寶寶或者派大星公仔！
地點 : 香港黃竹坑黃竹坑道180號香港海洋公園
夏水禮日期 : 7月1日至8月28日
公園開放時間 : 星期一至五10:00 – 18:30星期六至日10:00 – 19:30
4. 海賊王夏日激航狂歡世界
今年除左海洋公園，喺中環海濱活動空間都可以玩到夏水禮！去到梗係要同8米高嘅「烈陽號」同7米高巨型路飛自拍番張先啦！入到去仲可以瘋狂玩大型魯賓滑水天梯、奈美沖天奪寶滑翔梯、3: 4合1 障礙賽同水槍大戰！現場仲設有多個影相區、售賣多款海賊王造型餐飲和海賊王紀念品，身為one piece fans嘅你點可以錯過啊！
地點 : 香港中環龍和道9號海濱活動空間
夏水禮日期 : 7月8日至8月7日
開放時間 : 星期一至五 14:00 – 22:00 星期六至日 11:00 – 22:00
費用 : 每人港幣 $50，門票僅限進場時使用，場內遊戲設施或餐飲服務或需另行付費。12歲以下小童可於家長或成年人的陪同下免費入場。一位成年人最多只可帶兩位12歲以下小童進場遊玩。另設有全日通及VIP套票，門票於全線7-ELEVEN、現場售票處及網頁http://www.onepiececarnival.com 有售。
5. 迪士尼主題4D奇幻館
3D館大家就去得多，咁唔知4D館你地又有冇去過呢？喺全港首個迪士尼 4D照相館內，大家可以入讀怪獸大學，化身白武士勇闖星際，甚至同一班復仇者一齊做英雄拯救地球，唔鐘意咁刺激嘅話，可以變身做公主唱let it go，同阿樂一齊搵記憶球，仲可以攬實香噴噴嘅勞蘇影相！心動咁仲唔即刻行動！
地點 : 尖沙咀東加連威老道96號希爾頓大廈1樓
開放時間 : 10:00 – 22:00 (最後入場時間為 21:00)
費用 : 成人 $168、小童 (3－11歲) 及長者 (65歲以上) $120
查詢電話 : 2721 9318
6. 櫻桃小丸子 Mamma Mia得意之旅
小丸子喺香港嘅fans真係多到數唔曬！咁就啱喇！今年暑假小丸子將會帶大家去到意大利許願池食意式雪糕、暢遊威尼斯小鎮同羅馬大道。在空中花園裡面仲會有一個以12星座為主題的夢幻迷宮，夜晚去睇實夠曬浪漫。而喺露天廣場，已經企左30隻不同服飾造型的小丸子等住同大家自拍，仲有一個用不同顏色的花所砌出嚟嘅小丸子頭，加埋個歐陸式噴水池，真係好似置身喺歐陸式庭園一樣！Pop-up store裡面仲有好多絕版精品賣添啊！你仲唔快啲行動！
地點 : 尖沙咀The ONE UG2 中庭、地下露天廣場及L16 The AIR
展出日期 : 7月9日至8月31日
開放時間 : 10:00 – 22:00
7. Harmonic Motion 手工編織遊樂場
暑假個個小朋友都放假，家長帶佢地去遊樂場玩就啱曬喇！事關國際金融中心商場就為大家帶嚟左全港首個大型手工編織遊樂場藝術展，展品係嚟自國際知名日本紡織藝術大師堀內紀子的著名遊樂場作品 ‘Harmonic Motion’。堀內紀子希望玩家在自己一針一線，經過長達幾個月的時間所織成的編織遊樂場上玩耍，可以重新發掘到玩樂的意義，小朋友亦都可以透過玩樂同接受挑戰，發揮創意同想像力。又有得玩又有得欣賞藝術品，你唔係唔嚟啊！
地點 : 香港中環金融街8號國際金融中心商場1樓中庭
日期 : 7月1日至9月12日
開放時間 : 11:00 – 21:00
費用 : 全免，需先網上登記預約 http://www.ifc.com.hk
8. Disney Tsum Tsum Walk N'Roll Festival
各位Disney fans係咪好懷念之前又一城嘅Tsum Tsum展呢？大家嘅掛念佢地都收到喇！所以今年暑假Tsum Tsum又再進攻又一城喇！今次有全球最高嘅Disney Tsum Tsum機動元素大型裝置同多個故事場景坐陣，全部仲有機動裝置、識郁添架！各位fans仲可以玩Tsum Tsum街機、貼紙相機，自製姓名貼紙機和銅幣製作機，再加去埋銷售專區買Disney Tsum Tsum TOMICA聯乘系列嘅模型車就啱啱好喇！
「Disney Tsum Tsum Walk N’Roll Festival」展覽
地點 : 九龍塘達之路80號又一城LG2、G、UG及L2
Disney Tsum Tsum 街機
地點 : 九龍塘達之路80號又一城G
Disney Tsum Tsum貼紙相機、自製姓名貼紙機和銅幣製作機
地點 : 九龍塘達之路80號又一城 L2
「Disney Tsum Tsum Walk N’Roll Festival」銷售專區
地點 : 九龍塘達之路80號又一城LG2
Disney Tsum Tsum TOMICA專區及銷售專區
地點 : 九龍塘達之路80號又一城UG層
展覽日期 : 7月16日至8月16日
時間 : 10:00 – 22:00
請注意LG2層的米奇鐘樓裝置展覽區將於7月17日暫停開放，而其他樓層的展覽區 (包括設置於LG2層的銷售專區) 則於7月17日18:00 – 22:00暫停開放。
文：Noelle
熱門空缺
