平時大家見到啲蛇蟲鼠蟻，為咗唔畀佢哋入侵你間屋，都會好勇猛咁消滅佢哋！但你又有冇諗過，殺蟲殺鼠都可以係一份工作，幫你搵到食？事關食物環境衞生署現正招聘見習防治蟲鼠助理員，月薪可達 $16,395！只要有DSE學歷就申請得。既然唔怕昆蟲，不妨試吓apply喎！

根據公務員事務局的網頁，見習防治蟲鼠助理員的月薪為 $14,445至 $16,395不等。申請人只要DSE生物科考獲level 3，其餘4科考取level 2的成績（包括中、英文），或持同等學歷，即符合入職條件。而為了提高大眾對《基本法》的認知和推廣學習《基本法》的風氣，政府會考核應徵人士的《基本法》知識，測試表現會佔一定比重，各位記得好好準備一吓喇！至於面試方面，主要係問你有關囓齒動物、蒼蠅、蚊、蟑螂的生物知識，相信難唔倒有bio底嘅你。

見習防治蟲鼠助理員的主要職責為：接受防治蟲鼠工作的在職訓練，或須在遍遠、崎嶇和蟲鼠為患的地方工作。工作內容算是簡單，都係收集吓誘蚊產卵器嘅數據咁，只係要日曬雨淋和周圍行，比較辛苦。獲取錄人士，將會按公務員試用條款受聘3年，並可享有有薪假期、醫療及牙科診療、房屋資助等福利，成功通過試用期者，將會獲考慮按長期聘用條款聘用。同時，受聘人須於試用期內完成3年的在職訓練，並取得實驗室技術員證書，否則或會被終止聘用，不過如果順利考到張cert，通常都有得升職加人工架！

有興趣人士，可於2018年6月1日，晚上11點59分或之前，透過公務員事務局網站http://www.csb.gov.hk作網上申請；申請人亦可將申請書寄送至香港金鐘道66號金鐘道政府合署44樓食物環境衞生署聘用組（請註明「申請見習防治蟲鼠助理員職位」）。申請表可向民政諮詢中心或就業中心索取，亦可於上述網站下載。申請人如獲邀參加面試，通常會在截止申請日期後約8至10個星期內收到email通知，祝各位好運喇！

見習防治蟲鼠助理員職位詳情：http://bit.ly/2sadOgf​

文：Noelle