職場資訊
港仔北上掀Call車革命 獲注資7800萬 年內望打通全國
刊登日期: 2015-01-05
再有港產物流召車平台獲巨額融資！繼GoGoVan獲內地版Facebook「人人網」注資擴展後，創立僅一年多的EasyVan，亦獲內地及本港多個風險投資基金垂青，首輪融資1,000萬美元(約7,800萬港元)。創辦人兼行政總裁周勝馥接受本報專訪時透露發展大計，今年內將服務範圍擴展至內地及東南亞50個一、二線城市，包括首都北京及上海；半年內將計劃再融資5,000萬美元(約3.9億港元)，目標於兩年內踏足全球。
周勝馥是95年會考十優狀元，拔尖負笈美國加州大學洛杉磯分校(UCLA)修讀物理，中途棄初選改往史丹福大學研讀經濟，畢業後加入策略顧問公司，但周勝馥不甘現狀，瞞著家人到澳門賭場當上職業賭徒，僥倖從賭枱上贏走近3,000萬元。直至前年12月，周勝馥再看準時機，發揮冒險精神，以顛覆的士載客的電召手機程式Uber作藍本，創立貨車版本的EasyVan，一年間業務已遍布本港、星加坡、曼谷(程式稱「lala move」)、深圳、廣州(程式稱「貨拉拉」)以及台北(程式稱「啦啦快送」)等6個城市，網絡覆蓋逾1.7萬名司機，每日平均有數千個「柯打」(Order)。
首輪融資接近7,800萬港元，周勝馥形容規模之大屬近年少見，「亞洲典型A輪(第一輪)投資係100萬至200萬美元(介乎約780萬至1,560萬港元)，今次(融資額)係10倍」；而參與融資的投資機構來頭亦不小，包括專注創新科技投資的「清流資本」(Crystal Stream)，它背後投資者為全球最大投資基金之一的高瓴資本(Hillhouse Capital)；其餘投資者包括內地創投基金「極客幫」、新加坡「Sirius Venture Capital」，以及本港創投公司「MindWorks Venture」和「Aria Group」等。
「自滿只會死路一條」
對於獲巨額融資，周勝馥認為絕非偶然。他稱，投資者主要是看好O To O(Online To Offline／線上提供離線服務)的市場發展，「Call車係一樣好傳統嘅嘢嚟，互聯網不斷發展，我哋無理由仲係用以前打電話方法，好無效率。」他又透露，融資由接洽至成事最快不過半天，「除咗清流資本係朋友搭朋友外，其他都係佢哋approach(接觸)我哋，證明佢哋都睇緊呢個行業，搵緊投資嘅機會。」周又稱，在互聯網主導的世界不能故步自封，並以風光一時的手機龍頭Nokia作例，「佢曾經好dominant(支配)，但market share(市佔率)由五成跌至單位數字，最尾俾人收購埋，自滿係死路一條。」
作為一個第三方服務平台，EasyVan至今未有透過向用戶或司機收費製造收入，周勝馥承認公司一直在「燒錢」，「3,000萬資本冇咗一半……好多O To O Business都好得意，Twitter、Instagram、WhatsApp開頭幾年都唔收錢，到我哋平台可以為司機同用戶帶來價值，先再諗吓(盈利模式)，兩年內冇諗住收費。」他認為目前最重要是提高知名度，冀透過今次融資擴展市場，目標是今年底前進駐內地及東南亞50個一、二線城市，並透露最快半年後再融資，「B輪(第二輪金額)至少係幾倍，目標兩年內去到全球。」
寄語港人「夢想諗大啲」
公司急速擴展，招募人才成為首要難題。周勝馥透露，公司未來需要約500名資訊科技及市場行銷專才，並會積極開拓網上支付平台。他又希望透過今次融資例子，一改本港對創新科技的看法，「唔一定係好高科技，可以好似call車咁貼身……香港長久以來冇training(訓練)叫我哋將個夢想諗大啲，可能地產當道，創新比較少，冇一個成功例子行喺前面，啲人未必信香港原來有呢個potential(潛力)去整一間咁嘅公司出嚟。」
文/圖：AM730
熱門空缺
